ostirala, 2015ko martxoaren 6a

ttipi-ttapa

Ramontxo Garmendia, Marta Igoa eta Iosune Ortega, aurkezpenean.

Ramontxo Garmendia, Marta Igoa eta Iosune Ortega, aurkezpenean.

GIZARTEA

Baztango herriak eta Gutarra produktuak euskararekin bat Oinez Gailurra egitasmoan

Euskara mendi gailurretara ez ezik herrietara eta baratzetara ere eramatea da Baztan Ikastolaren proposamena, euskara osasuntsu bizitzeko

Baztan | 2015-03-05 | 12:16

Iosune Ortegak, Baztan Ikastolako zuzendariak, eta Ramontxo Garmendiak, Oinez Gailurra taldeko kideak, Oinez Gailurra 2015 proiektua aurkeztu dute martxoaren 5ean, ortzegunean, Iruñean. Nafarroako Ikastolen Elkarteko Marta Igoa haiei laguntzen izan da aurkezpenean. Ikusi bideoa

GIZARTEA

Zalaingo langileek lantegiaren egoera kritikoa salatu dute

Condesako langileek elkarretaratzea egin dute Lesakako Plaza Zaharrean.

Bortziriak | 2015-03-05 | 12:45

Condesako langileek beraien egera kritikoa salatzeko elkarretaratzea egin dute martxoaren 5ean, ortzegunean 11:00etatik 12:00etara Lesakako Plaza Zaharrean. ELA eta LAB sindikatuek deituta, Zalaingo lantegikoak ez ezik, Berriobeiti eta Legutiokoak ere bildu dira Lesakan, Bortzirietako udal ordezkariekin batera.

GIZARTEA

Arbolaren Eguna ospatu dute bi asteburuz Lesakan

50 pago, 50 haritz, 30 lizar, 2 gereziondo eta 4 intxaurrondo landatu dituzte Gardelkopagoeta inguruan.

Lesaka | 2015-03-05 | 09:47

Otsailaren 21ean eta 28an aurtengo Arbolaren Egunaren landaketa egin zen Gardelkopagoeta inguruan. Egia erran, eguraldiak ez zuen batere lagundu eta horrek parte-hartzea oztopatu zuen, baina halere 136 zuhaitz landatu zituzten bigarren larunbatean.

GIZARTEA

Emakumearen Eguna ospatzeko hainbat ekitaldi antolatu dituzte Baztanen ere

Bertsolaritzaren sekretuak antzezlanean emakume bertsolarien istorioak taularatuko dituzte.

Baztan | 2015-03-05 | 07:46

Emakumeen Nazioarteko Egunaren harira zenbait ekitaldi eginen dira egunotan Baztanen ere, Udaleko Berdintasun Batzordeak antolatuta.

KIROLA

Mini Enduro BTT proba ere eginen dute martxoaren 15ean IrriSarri Landen

Mini Enduro BTT proban izen emateko epea martxoaren 8ra arte zabalik dago.

Igantzi | 2015-03-05 | 07:43

Datorren martxoaren 15ean mendiko bizikletak atsegin dituzten lagunentzako Mini Enduro BTT proba antolatu dute IrriSarri Landen. Egun berean Gladiators Day lasterketa egingo dute; bi probak Enpresen Erronka programaren barne daude, baina nahi duen guztiak parte hartzeko aukera ere bada.

GIZARTEA

Piktogramak paratuko dituzte Berako hamar udal eraikinetan

Berako alkatea eta ANAko presidentea, Jose Enrique Arburua eta Maitetxu Leonis senar-emazteak, Iker semea eta Inaxio Sansiņena irakaslearekin.

Bera | 2015-03-03 | 07:59

Berako Udalak bat egin du ANA elkarteak (Nafarroako Autismoaren Elkartea) gauzatzen ari den kanpainarekin eta autismoa duten pertsonei laguntzeko euskarara itzulitako piktogramak ezarriko ditu hamar udal eraikinetan. Gaurgero Nafarroako 18 udalek bat egin dute kanpainarekin baina Iruñetik honuntz lehenbizikoa da Berakoa.

GIZARTEA

Lan Gaua mendi ibilaldia eginen da martxoaren 7an Erratzun

Xanti Elizagoien eta Xabier Rekarte izanen dituzte gidari gaueko ibiltariek.

Erratzu | 2015-03-04 | 07:24

Martxoaren 7an, larunbatean, Lan Gaua 3. edizioa burutuko da Erratzun. Bidasoako Kontrabandistak Ibilbidea proiektoaren barruan (info gehiago: www.kontrabandistak.com), diru irabazi asmorik gabe eta XX. mende erdialdeko kontrabandoaren historia ezagutzera eman nahi duen egitasmoa da Lan Gaua: kontrabandista ohi batek gidatutako eta azaldutako gaueko mendi ibilaldia, 3 ordu eta erdiz eta 11 kilometroko luzeran.

KIROLA

Otsaileko erremontelari onena izan da Koteto Ezkurra

Joku maila ikusgarria erakutsi du berriz ere Kotetok.

Doneztebe | 2015-03-04 | 07:18

Oriamendi 2010 enpresak jakinarazitako ranking-aren arabera, Koteto Ezkurra izan da otsaileko erremontelari onena, jokatu dituen partida guztietatik bakarra galdu eta 38,29 puntu lortu baititu A multzoan. Itxura bikaina eta joku maila altua erakutsi du Doneztebeko aurrelariak, bere kolpea eta abiadura nabarmenduz eta emaitza onak lortuz.

GIZARTEA

Malerreka kantuz martxoaren 7an eginen dute Sunbillan

2013ko abenduan egin zuten Malerreka kantuz azken aldiz Sunbillan.

Sunbilla | 2015-03-04 | 07:09

Martxoaren 7an hirugarren aldiz Sunbillan eginen dute Malerreka kantuz, larunbat eguerdian plazan hasita. Malerrekako Euskara Zerbitzutik jakinarazi dutenez, kantaldia eta gero bazkaria izanen dute abeslari eta musikariek kanpinean.

GIZARTEA

Emakumeen egunaren harira ekitaldi ugari datozen egunetan Leitzaldean

Leitzaldea | 2015-03-04 | 07:00

Emakumeen eguna ospatzeko ekitaldi ugari izanen dira datozen egunetan Leitzan. Gizarte Zerbitzuetako berdintasun batzordeak antolatu du egitarauaren zati bat. Martxoaren 8an Iruñean deitutako manifestazioarekin bat egin dute, Leitzako Emakumeen Asanbladak bezalaxe, eta herritarrei 12:00etan bertara joateko deia egin diete.

KULTURA

Leitzako Jeiki Abesbatzak Mozart-en Requiem kantatuko du martxoaren 8an Beran

40. urteurreneko emanaldietan murgildua dago Leitzako Jeiki abesbatza.

Bera | 2015-03-03 | 08:13

40. urteurreneko emanaldietan murgildua dagoen Leitzako Jeiki Abesbatzak Wolfang Amadeus Mozart-en Requiem kantatuko du martxoaren 8an, igandean 13:00etan Berako San Esteban elizan, Nekane Piñuelaren zuzendaritzapean.

GIZARTEA

Baztango Ekonomia mintegiaren 2. saioan burtsaren izaera espekulatzailea nabarmendu zuten

Alejandro Arizkunek ekonomiari buruzko azalpen argiak eskaini zituen.

Baztan | 2015-03-03 | 11:57

Hazitik Hozie Baztango tokiko garapenerako elkarte herritarrak antolatutako ekonomia mintegiaren bigarren saioa larunbatean egin zen. Alejandro Arizkun NUPeko ekonomia irakaslea dirua zer den galderari erantzunez finantza sistemaren barneko logikaz aritu zen. Bankuek zorraren bidez dirua nola sortzen duten aztertu zuten. Modu berean, gaur egun diruaren %6 bertzerik ez dela eskuragarri aipatu zuen, hau da, hori dela diru eskuragarriaren kopurua gainerakoa diru bankarioa dela.

KIROLA

Laugarren izan da Beti Gazte Euskadiko sokatira txapelketako 600 kiloko kategorian

560 kiloko kategorian ere dominen lehian egon nahi du Beti Gaztek heldu den larunbatean Ezpeletan.

Euskal Herria | 2015-03-03 | 07:21

Erandioko Altzaga kiroldegian jokatu da Euskadiko zortzinakako sokatira txapelketako finala, 600 kiloko kategorian. Sei talde lehiatu ziren eta horien artean Ezpeletako Ñapurrak nagusitu zen, finalean Ibarrari (Gipuzkoa) irabazita. Brontzerako lehian, Bizkaiako Muruetak bi tiraldiak irabazi dizkio Beti Gazteri eta beraz, lesakarrak laugarren izan dira.

GIZARTEA

Dispertsioaren kontrako hitzordua egin dute Arraiozen

Hogei bat lagun bildu ziren Arraiozko batzar gelan.

Baztan | 2015-03-03 | 07:38

"Baztango herriek ere dispertsioari ez!" izeneko kanpainak aitzina segitzen du, hilabetez hilabete eta herriz herri "dispertsioaren kontrako hitzorduak" antolatzen. Erratzu eta gero Arraiozen txanda izan da. Hitzordua martxoaren 1ean zen, arratsaldeko 6etan Arraiozko batzar gelan. Hogei bat lagun inguru hurbildu ziren eta, puntual hasita, Etxarri-Aranatzeko Sarek egindako Urruti vs gertu izeneko dokumentala eman zen, non Etxarriko preso politikoen senideek beren bizipenak kontatzen dituzten.

GIZARTEA

Bortzirietako emakumeen seigarren mendi itzulia Igantzin eginen dute martxoaren 8an

Bortzirietako emakumeek joan den urtean Lesakatik egin zuten ateraldia.

Bortziriak | 2015-03-02 | 07:38

Emakumearen Nazioarteko Egunaren harira, Bortzirietako emakumeen mendi itzulia eginen dute seigarren aldiz, Bortzirietako Oinarrizko Jendarte Zerbitzuen Mankomunitatearen laguntzarekin. Aldi honetan Igantzin eginen dute irteera martxoaren 8an.

KIROLA

Manttale taldea saritua izan da Nafarroako Mendi Galan

Mendiaren Galaren ondotik, saridunak eta sari banatzaileak.

Nafarroa | 2015-02-27 | 08:03

Manttale taldea saritua izan da Iruñean ospatu zen eta Nafarroako Mendiko kirolen eta Eskaladaren federazioak antolatzen zuen ekitaldian. Josema Huizik eta Txus Unsionek sari bereziak eskuratu zituzten eta Loro Pikabea eta Xabier Zubietaren senideak ere bertan izan ziren, beraien izena daramaten sariak banatzen,

GIZARTEA

Baztango Zahar Etxearekin elkartasun kanpaina abiatu du Nafar Mendik

Maria Jesus Beunza, Ivan Aldako, Esteban Elorga eta Naiara Oteiza, elkartasun kanpainaren aurkezpenean.

Baztan | 2015-03-05 | 11:50

Francisco Joaquin Iriarte Zahar Etxearen konponketa lanak sustengatzeko helburuarekin elkartasun kanpaina eginen du martxoan Arraiozko Hipersimply-Nafar Mendi hipermerkatuak. Baztango Batzar Nagusiak laguntza deia zabaldu zuen ilbeltzean, uholdeek erresidentzian sortutako kalteak kopontzen laguntzeko eta horrekin bat egin nahi izan dute.

GIZARTEA

Gazteluaren berreskurapena gizarteratzeko ekitaldia eginen dute Amaiurren martxoaren 7an

Abenduan ere egin zuten ekitaldi bat Amaiurren, gazteluaren inguruan egindako pasabidea inauguratzeko.

Amaiur | 2015-03-05 | 07:49

Martxoaren 7an, larunbata, ekitaldi berri bat eginen dute Amaiurren, gazteluaren berreskurapenean egin den lana gizarteratzeko, Harritik herrira izenburuarekin. Ekitaldia Udalbiltza, Baztango Udala eta Amaiurko herriaren artean antolatu dute.

GIZARTEA

Lesakako udal kiroldegiko gimnasioa lekuz aldatzeko lana Sarobe eraikuntza enpresak eginen du

Lesaka | 2015-03-05 | 11:54

Lesakako udal igerilekuetako gimnasioa lekuz aldatzeko obrak Sarobe eraikuntza enpresak eginen ditu 41.119,35 euroren truke. Aurkeztutako hiru proposamenen artean Lesakako enpresarena izan zen onena. Lanak ahalik eta abudoen hasteko asmoa du Herriko Etxeak eta behin hasita, hilabete edo hilabete eta erdiz bukatuko lirateke.

GIZARTEA

Kxkbeltza elkarteak Stock Azoka antolatu du Leitzan martxoaren 7an

Joan den urtean egin zen lehen aldiz Stock Azoka Leitzan.

Leitza | 2015-03-05 | 07:36

KXKBELTZA Leitzako komertzianten elkarteak bigarren urtez stock azoka eginen du martxoak 7an. Egun horretan herriko plazan, 12 komertzioetako produktuak eskeiniko dituzte. Larunbat goizeko 10:00tatik hasi eta iluntzeko 20:00 arte iraungo du azokak. Horrela komertziotako produktuak kalera aterako dituzte eskeintzan eta erosleak plazako giro onean harremana sustatzeko balioko du ekimenak.

GERTAERAK

Hil egin da Erratzun astelehenean gertatutako auto istripuan zauritutako emakumezkoa

Erratzu | 2015-03-04 | 08:00

Hildakoa 66 urteko Zugarramurdiko emakumezkoa da. Ezbeharra astelehenean 20:48ean gertatu zen, N-121-B errepideko 56,4. kilometroan, Erratzu parean. Antza, emakumezkoa gidatzen ari zen autoa bidetik atera zen, eta harrizko pareta jo eta autoa irauli egin zen. Belardi batean gelditu zen. Istripuaren unean larri zauritua gelditu zen, eta astearte arratsaldean hil zen Nafarroako Ospitalean.

KULTURA

Pirritx, Porrotx eta Marimotots pailazoen emanaldia martxoaren 8an Elizondon

Pirritx, Porrotx eta Marimotots berriz ere eskualdean izanen ditugu.

Elizondo | 2015-03-04 | 07:21

Pirritx, Porrotx eta Marimototsek Txo, Mikmak txikia ikuskizuna aurkeztuko dute martxoaren 8an, igandean 16:30ean Lur aretoan. Baztan Ikastolako Guraso Elkarteak antolatutako emanaldira sartzeko 6 euro ordaindu beharko da.

KULTURA

Bertso afaria antolatu du Goizuetako Gazte Asanbladak ostiralerako

Goizueta | 2015-03-04 | 07:16

Bertso afaria antolatu du Goizuetako Gazte Asanbladak martxoaren 6rako. Iker Zubeldiak eta Fredi Payak kantatuko dute. Txartelak Amaiarenean daude salgai 15 eurotan eta afaria ostiralean 22:00etan izanen da Umore Onan.

GIZARTEA

Bidazi elkartearen eta Goiener koperatibaren inguruko hitzaldia eskainiko dute martxoaren 6an Donezteben

Joan den urteko apiriletik lokala dauka Alkaiagan Bidazik.

Doneztebe | 2015-03-04 | 07:04

Bidazi elkarteak eta Goiener enegia-kooperatibak, biek batera, energia eta elikadura jasangarriaren inguruko hitzaldia eskainiko dute martxoaren 6an, ortziralean 18:00etan Doneztebeko Kasinoan. Bertan, osagarri diren bi elkarte hauek elikadura eta energian dituzten alternatibak aurkeztuko dituzte, Malerreka osasuntsuago baten bila.

GIZARTEA

37 langabetu guttiago eskualdean otsailean

Eskualdea | 2015-03-04 | 06:58

2014. urte bukaeran 1.184 langabetu zeuden Doneztebeko Enplegu Bulegoan izen emanak, baina urte hasieretako joera kaxkarrari eutsiz, ilbeltzean 74 lagun gehiago gelditu ziren lanik gabe. Otsailean, aldiz, beheitik egin du langabeziak eta 1.221 lagun daude lanik gabe, ilbeltzean baino 37 guttiago. Nafarroa osoan % 0,77 jautsi da langabezia eta Doneztebekoa izan da jautsiera nabarmenenetakoa izan duen bulegoetako bat (-%2,94).

GIZARTEA

Bertan elkarteak Elizondon asteburuan antolatu duen Stock Feriak jendea mugiarazi du

Jende aunitz bildu da asteburuan Elizondoko pilotalekuan.

Baztan | 2015-03-03 | 08:21

Baztango Bertan, ostalari, merkatari eta zerbitzuen elkarteak, aukeren azokaren edizio berri bat burutu du otsailaren 28 eta martxoaren 1ean, Baztango Udalaren eta Nafarroako Gobernuaren laguntzaz. Feria Elizondoko pilotalekuan egin zen larunbatean 10:00etatik 20:00etara eta igandean 10:00etatik 19:00etara eta jende andana hurbildu zen.

KIROLA

Bortzirietako eskuz banakako XIV. Txapelketako finalerdiak jokatuko dituzte aste honetan Beran

Bortziriak | 2015-03-02 | 07:51

Bortzirietako eskuz banakako hamalaugarren pilota txapelketako finalerdiak jokatuko dituzte aste honetan. Umeak B kategorian falta ziten final laurdenetako hiru partida jokatu dituzte martxoaren 2an, astelehen arratsaldean Arantzako pilotalekuan. Bortziriak pilota elkarteak zehaztu duenez, martxoaren 14an Arantzan eta 15ean Lesakan jokatuko dituzte finalak.

KIROLA

Ezkurra II doneztebarra eta Zubiri goizuetarra Promozioko txapelketaren finalean izanen dira

Josetxo Ezkurra sasoi punttu onean dago. Aritz Zubiri goizuetarra izanen du arerio ortziraleko finalean.

Euskal Herria | 2015-03-03 | 07:18

Josetxo Ezkurra II doneztebarrak eta Labakak alde batetik eta Otaegi eta Aritz Zubiri goizuetarrak bertzetik jokatuko dute Gipuzkoako Diputazioaren Promozio txapelketako finala martxoaren 6an, ortziral arratsaldeko 7etatik aitzinera Donostiako Carmelo Balda pilotalekuan.

GIZARTEA

Andereņoaren argibideak arretaz aditu dituzte berriz ere Baztan Ikastolako lehendabiziko ikasleek

Baztan ikastolako lehen ikasleak eta irakaslea, gaur egungo zuzendariarekin eta presidentearekin.

Baztan | 2015-03-02 | 07:45

Nafarroa Oinez 2015 antolatzeko lanetan buru belarri dabil Baztan Ikastola, baina ezin aitzinerat egin gibelerat begiratu gabe. Hortaz, bilera hunkigarria egin dute otsailaren 27an, Elizondoko Arriarte Elkartean, lehendabiziko andereñoa izan zen Mari Carmen Goñik eta haren lehendabiziko ikasleek. Aspaldi bezala, andereñoaren argibideak arretaz aditu dituzte 1970ean Baztan Ikastolako lehendabiziko ikasleak izan zirenek.

GIZARTEA

Berdintasunaren Ginkana antolatu du Lesakako Zerbitzuen Elkarteak

Lesaka | 2015-03-02 | 08:50

Martxoaren 8ko Emakumearen Nazioarteko Eguna girotzeko kanpaina berezia prestatu du Lesakako Zerbitzuen Elkarteak, Lesakako Udalaren eta Nafarroako Gobernuaren laguntzaz. Hain zuzen, Berdintasunaren Ginkana antolatu dute martxoaren 2tik 7ra. Bezeroek, elkarteko denda eta zerbitzuetan ikusiko dituzten hitzekin hiru esaldi osatu beharko dituzte.

Destakatuak

TTIPI TXARTELA 2014
Telefono Gida 2014
facebook
TWITER
Errepidea
Eguraldia
Youtube
Geure buruaz | Pribatasun politika | Kontaktua

TTIPI-TTAPA | Koskontako bidea, 07 - 1 | 31770 LESAKA (Nafarroa)

Tel: 948 63 54 58 | Faxa: 948 63 54 57

Diseinua: Ttipi-Ttapa | Garapena: iametza interaktiboa

Creative Commons-en baimenaTTIPI-TTAPAko edukiak kopiatu, moldatu, zabaldu eta argitaratzeko libre zara, beti ere, gure egiletzakoak direla aitortzen baldin baduzu eta baldintza berdinetan egiten baduzu.

Laguntzailea:

Eusko Jaurlaritza